Para Chålek Ha'

Maolek na Guaha Celery Phone På'gu na Tiempo

Tåftåf un oga'an ha tågu yu' si Nanåo-Biha para i tenda para bai famåhan kafé, asukat, yan chåda' månuk. Todu i taotao i sengsung ma po'lu na Si Nanå-hu Si Nanåo-Biha sa' guiya ha' pumoksai yu'. Annai esta para bai apåsi i tenderu hu ripåra na guaha mamaipe ha' empinåda, pues hu hakut tres grånu. Annai esta yu måpos, ti åpmamam dumalingding iyoku "cell phone." Hu oppe' ya ha sangåni yu i tenderu "Hoi gachong, malingun hallum hao ha' ni na'mu empinada esta maleffa hao ni chada' Nanå-mu." Pues hu atan i kinilili-hu ya magåhit, fåtta' i chada'!!!